Творчая сустрэча з Алесем Разанавым

Главная

Творчая сустрэча з Алесем Разанавым

5 кастрычніка ў чытальнай зале № 2 адбылася сустрэча  з вядомым беларускім паэтам-наватарам, перакладчыкам, эсэістам, членам Саюза пісьменнікаў Беларусі з 1972 года, лаўрэатам Дзяржаўнай прэміі БССР імя Янкі Купалы (1990, за кнігу “Вастрыё стралы”), Міжнароднай літаратурнай прэміі імя Ёгана Готфрыда Гердэра, лаўрэатам прэміі «Залаты апостраф» Алесем Разанавым.

Да мерапрыемства супрацоўнікамі бібліятэкі была падрыхтавана кніжная выстава “У кожным слове жыве дух усёй мовы”, на якой  прадстаўлены паэтычныя зборнікі паэта   “Вастрыё стралы”,  “Паляванне ў райскай даліне”, “Танец з вужакамі”, “Кніга ўзнаўленняў”, “Дождж: возера ў акупунктуры”, “Сума немагчымасцяў” (зномы), “Пчала пачала паломнічаць” (вершаказы), “Воплескі даланёю адною” (пункціры), “З апокрыфа ў канон” (гутаркі, выступленні, нататкі) і іншыя, а таксама артыкулы з часопісаў і газет.

Падчас сустрэчы, у перапоўненай чытальнай зале, панавала цёплая даверная атмасфера. Студэнты, выкладчыкі і супрацоўнікі ўніверсітэта лавілі кожнае слова Алеся Разанава, задавалі паэту шматлікія пытанні.

         Спадзяемся, што гэта не апошняя сустрэча з Алесем Разанавым  у сценах нашай бібліятэкі.

 

 

 

 

  Кацярына Ляўковіч,

бібліятэкар 1 катэгорыі

Фота Марыі Прахарэнка